Pikat mikroskopike të kollës Covid mund të udhëtojnë më shumë se gjashtë metra, dhe ende të infektojnë njerëzit pasi të jenë avulluar, zbulon hulumtimi i ri.
Shkencëtarët e bënë zbulimin ndërsa gjurmonin rrugën e fluturimit të grimcave të tilla duke shpresuar për të kuptuar më mirë përhapjen e koronavirusit. Gjetjet zbulojnë se pikat e mëdha, të mesme dhe të vogla të kollës mund të përhapen në mënyra të ndryshme në varësi të kushteve të jashtme.
Pikat më të mëdha, të cilat bien shpejt në tokë për shkak të gravitetit, mund të kalojnë një metër edhe pa erë. Grimcat më të vogla, të cilat janë më të lehta dhe udhëtojnë më tej, ende mund të infektojnë një person me koronavirus edhe pasi të kenë avulluar në ajër.
Një pikë avulluese ruan përmbajtjen virale jo të paqëndrueshme, kështu që ngarkesa virale rritet në mënyrë efektive, u shprehën ekspertët. Kjo do të thotë që pikat e avulluara të aerosoleve bëhen më të ndjeshme për t’u thithur thellë në mushkëri, gjë që shkakton infeksion në traktin respirator, sesa pikat më të mëdha të pa avulluara.
Një kollë tipike lëshon mijëra pika në një gamë të gjerë. Shkencëtarët vërejtën shpërndarjen e pikave duke përdorur mjete simuluese të rrjedhës së ajrit. Gjetjet tregojnë se një pikë e vetme 100 mikrometër e kollës mund të kalojë deri në 6.6 metra nën shpejtësinë e erës prej dy metra në sekondë.
Rezultatet nxjerrin në pah edhe një herë rëndësinë e distancës sociale si dhe mbajtjen e një maske për të parandaluar përhapjen e koronavirusit. Përveç maskës, distancimi shoqëror ishte përgjithësisht i efektshëm, pasi depozitimi i pikave tregohet se zvogëlohet tek një person i cili është të paktën 1metër nga kollitja.
